O Club Seurri de Sarria organiza unha xornada de portas abertas de tiro con arco o 26 de agosto
SarriaXa
A actividade será gratuíta, con material incluído e aberta a todas as persoas sen necesidade de experiencia previa
19 Aug 2025
O Club Seurri de tiro con arco de Sarria celebrará o martes 26 de agosto de 2025 unha xornada especial de portas abertas para dar a coñecer este deporte milenario. A cita desenvolverase entre as 18:00 e as 20:00 horas nas instalacións situadas na rúa Liberdade 217.
A iniciativa é totalmente gratuíta e está dirixida a calquera persoa interesada, sen requirir experiencia previa. Ademais, todo o material necesario para a práctica do tiro con arco será facilitado polo propio club.
Dende a entidade animan á veciñanza a participar nesta proposta lúdica e diferente, coa que se pretende achegar a emoción e a tradición deste deporte a novos públicos.