O Club Xirandela de Sarria triunfa no VII Torneo Vila das Pontes
O Club Xirandela de Sarria desprazouse esta fin de semana ata As Pontes para participar no VII Torneo Vila das Pontes, regresando con grandes resultados e cun profundo sentimento de orgullo polo traballo e esforzo de todas as súas ximnastas.
A actuación do club sarriao foi sobresaínte, acadando a medalla de ouro en seis das categorías nas que competiron.
Os conxuntos Iniciación, Prebenxamín, Benxamín, Alevín M, Cadete e Sénior proclamáronse campións, mentres que o conxunto Infantil tamén tivo unha destacada participación, conseguindo unha merecida mención polo seu bo desempeño.
Estes excelentes resultados reflicten a dedicación, constancia e paixón que as ximnastas e o equipo técnico do Club Xirandela poñen día a día na súa preparación, consolidándose como unha referencia da ximnasia rítmica na comarca.