O Concello de Láncara abre a inscrición para participar no Campamento de Semana Santa
O Concello de Láncara pon en marcha unha nova edición do Campamento de Semana Santa, unha iniciativa destinada a facilitar a conciliación familiar e ofrecer aos nenos e nenas un espazo de lecer saudable con actividades lúdicas e educativas.
O campamento desenvolverase os días 14, 15, 16 e 21 de abril no Polifuncional do Campo da Feira, en horario de 10.00 a 14.00 horas.
Poderán participar nenos e nenas de entre 4 e 13 anos, habendo un total de 25 prazas dispoñibles, con prioridade para os menores empadroados no municipio.
O custo da actividade é de 15 euros por participante. As inscricións estarán abertas entre o 2 e o 10 de abril e poderán realizarse tanto de maneira presencial na Biblioteca Municipal como a través da Sede Electrónica do Concello (lancara.sedelectronica.gal). A lista de admitidos publicarase o 11 de abril na mesma sede electrónica.
Con esta iniciativa, o Concello de Láncara reafirma o seu compromiso coa conciliación e o benestar infantil, promovendo un espazo de aprendizaxe e diversión durante as vacacións escolares.