O Concello de Láncara organiza un magosto popular o vindeiro 3 de novembro

As persoas interesadas en participar poderán facelo, non sen antes inscribirse chamando ao 982 543 066 antes do 31 de outubro

O Concello de Láncara organiza un magosto popular que terá lugar o vindeiro 3 de novembro no edificio polifuncional da Pobra de San Xiao, coa colaboración da Asociación de Mulleres Rurais.

Desta maneira, a partir das 14.00 horas, as persoas interesadas en participar poderán facelo, non sen antes inscribirse chamando ao 982 543 066 antes do 31 de outubro, xa que o aforo é limitado.

Durante esta iniciativa, veciñanza e persoas que se acheguen poderán desfrutar dunha comida de confraternidade a base de castañas, empanada, liscos, chourizos, etc.