O Concello de Láncara promove un campamento de Nadal para facilitar a conciliación

O campamento terá lugar durante os días 23, 26, 27 e 30 de decembro e os días 2, 3 e 7 de xaneiro

O Concello de Láncara pon en marcha un campamento de Nadal co fin de facilitar a conciliación ás familias durante as festas e ofrecendo aos nenos e nenas do municipio xogos, contacontos, manualidades, etc.

Así, durante os días 23, 26, 27 e 30 de decembro e os días 2, 3 e 7 de xaneiro, en horario de 10.00 a 14.00 horas, as familias que queiran poderán deixar aos seus pequenos no edificio polifuncional da Pobra de San Xiao para desfrutar deste campamento.

O prazo de inscrición comeza este xoves, 12 de decembro e rematará o 18 de decembro ás 13.00 horas na Biblioteca Municipal, sendo o prezo de 20 euros por fillo.