O Concello de Láncara promove un campamento de Nadal para nenos e nenas de 4 a 13 anos
O Concello de Láncara presenta un ano máis o seu Campamento de Nadal, pensado para apoiar ás familias durante as vacacións e ofrecer aos máis pequenos un espazo de ocio educativo, creativo e divertido.
Destinado a nenos e nenas de 4 a 13 anos, o prazo de inscrición estará aberto do 1 ao 12 de decembro, e a lista de admitidos farase pública o 16 de decembro na sede electrónica do concello.
O campamento desenvolverase todos os días en horario de 10 a 14.00 horas e inclúe actividades variadas adaptadas ás diferentes idades, como manualidades, panxoliñas, contacontos e xogos.
As persoas interesadas poden solicitar información na Biblioteca Municipal ou chamando ao 982 543 066, así como realizar a inscrición a través da sede electrónica en lancara.sedelectronica.gal.
Con esta iniciativa, o Concello de Láncara reforza o seu compromiso de apoiar ás familias e promover actividades de calidade para a infancia durante as festas de Nadal.