O Concello de Paradela conseguiu recadar "unha importante cantidade de produtos" para Valencia

Desde o Goberno local quixeron dar as grazas a todas as persoas que participaron nesta campaña de recollida de produtos de primeira necesidade

O Concello de Paradela conseguiu recadar "unha importante cantidade de produtos" para axudar ás persoas afectadas pola DINA que arrasou Valencia, segundo informan desde o Goberno local.

Así, xa se enviaron cinco palés de mercancía a Valencia, mercancía entregada nas instalacións de Naves Porcelanosa, en Vilarreal, para logo ser repartida e xestionada segundo as necesidades.

Por isto, desde o Goberno local quixeron dar as grazas a todas as persoas que participaron nesta campaña de recollida de produtos de primeira necesidade así como tamén quixeron agradecer á Federeración Valenciana de Municipios y Provincias por coordinar todo este proceso de envío de mercancía e de loxística "tan complexo en situacións coma estas", destacan.