O Concello de Paradela pon en marcha a recollida de plásticos de silo e de invernadoiros
SarriaXa
O lugar onde os gandeiros depositarán os plásticos será na explanada do mercado gandeiro de Paradela os días 18 e 19 de decembro
1 Dec 2024
O Concello de Paradela pon en marcha a recollida de plásticos de silo e de invernadoiros para que os gandeiros poidan desfacerse dos seus plásticos sobrantes ou xa usados nas súas explotacións.
Así, só se recollerán plásticos de silo ou invernadoiro e os plásticos deberán estar atados en fardos. Ademais, non poderán levar restos de terra, herba ou calquera outra cousa, nin tampouco se poderán depositar rodas nin garrafas de plástico, só plásticos de silo.
O lugar onde os gandeiros depositarán os plásticos será na explanada do mercado gandeiro de Paradela os días 18 e 19 de decembro en horario de 9.00 a 14.00 horas.