O Concello de Samos celebra as festas patronais en honra a San Bieito o 12 de xullo

O municipio benedictino acollerá misa, vermú e verbena, coa actuación do grupo Eoas de Sarria a partir das 22.00 horas

O Concello de Samos preparase para celebrar o vindeiro 12 de xullo as súas festas patronais dedicadas a San Benito no Campo da Festa. A programación inclúe a celebración da misa, seguida dun vermú e dunha verbena popular que animará a noite festiva.

A partir das 22.00 horas, o grupo Eoas de Sarria levará a música tradicional ao municipio, ofrecendo unha actuación destinada a recuperar e fomentar as tradicións locais e a alegría da veciñanza.

Estas festas patronais supoñen un momento de encontro e celebración para o pobo de Samos, que cada ano rende homenaxe ao seu patrón cunha programación pensada para todas as idades.