O Concello de Samos organiza outro obradoiro navideño para o 7 de decembro

O taller será na antiga biblioteca de Samos de 17.00 a 19.30 horas, e haberá que apuntarse a través do número 677 399 911

O obradoiro de decoración de Nadal promovido polo Concello de Samos para o vindeiro 1 de decembro completou o seu aforo pola cantidade de persoas que se apuntaron, polo que organizarán outro tamén o vindeiro 7 de decembro.

A antiga biblioteca do municipio acollerá esta iniciativa de Nadal en horario de 17.00 a 19.30 horas, no que as persoas participantes, que deberán apuntarse a través do número 677 399 911, poderán desfrutar dunha tarde preparando guirnaldas, coroas para decorar os exteriores das casas e outros elementos decorativos.

As profesionais de floristería JeseAndMiciHome de Sarria serán as encargadas de guiar este obradoiro que terá un custo de 50 euros, xa que inclúe todo o material necesario para levar a cabo a actividade.