O Concello de Sarria abre o prazo de presentación de solicitudes para o Sarria Concilia

A iniciativa desenvolverase nas instalacións do CEIP Frei Luis de Granada en horario de 09.30 a 14.00 horas, ampliando o horario co servizo de madrugadores e as tardes no cole

O Concello de Sarria abre o prazo de presentación de solicitudes para que as familias poidan formar parte do Sarria Concilia que terá lugar entre o 23 de decembro e o 7 de xaneiro.

Desta maneira, todos os nenos e nenas escolarizados nas etapas de Educación Infantil e Primaria de Sarria poderán participar desta iniciativa baixo o nome de ‘Nadal no país das marabillas’.

A iniciativa desenvolverase nas instalacións do CEIP Frei Luis de Granada en horario de 09.30 a 14.00 horas, cando será a ludoteca; pero tamén haberá servizo de madrugadores de 07.30 a 09.30 horas e as tardes do cole de 14.00 a 15.30 horas.

Hai 85 prazas para participar, polo que as familias deberán apuntarse o antes posible e antes do 9 de decembro.