O Concello de Sarria licita as obras de renovación da pista do pavillón José Mario González
O Concello de Sarria licita as obras de substitución do parqué da pista do pavillón polideportivo José Mario González de O Chanto por 93.875 euros.
O pavillón municipal que dispón dunha única planta cunha superficie de 1.975 metros cadrados cunha antigüidade de máis de 40 anos ten o parqué deteriorado o que dificulta xogar con comodidade e seguridade. Por iso se fixo presente unha necesidade de renovación para acondicionar as instalacións e ofrecer as mellores calidades aos veciños sarriaos.
A actuación consistirá na substitución do pavimento actual por un pavimento multideportivo areaelástico diseñado para a instalación en recintos interiores polideportivos de uso intensivo.
O prazo de execución destas obras será de dous meses e as empresas poden presentar ata o día 21 de decembro as súas propostas.
O polideportivo José Mario González de O Chanto xa realizou obras de mellora na accesibilidade e nos baños co fin de aportar unhas condicións óptimas para a realización do deporte, un hábito saudable na vida dos veciños do concello.