O Concello do Incio promove a acollida de persoas que foxen do conflito bélico en Ucraína
O Concello do Incio mostra a súa solidariedade trala previsión dun masivo éxodo migratorio causado polo conflito bélico en Ucraína, promóvese a intermediación na acollida de persoas que foxen da dramática situación.
Desta forma, fai un chamamento aos veciños e veciñas do Concello que estean interesados en participar na acollida de refuxiados nas súas vivendas, ou queiran poñer a disposición de refuxiados ucraínos algunha vivenda baleira en condicións habitables.
Os interesados deberán poñerse en contacto co Concello a través do teñéfono 982 427 014 ou enviando un correo a administración@concellooincio.gal co fin de dispoñer dun rexistro de posibles vivendas e persoas interesadas na acollida.
O Concello canalizará a axuda en materia de vivenda, acollida e axuda humanitaria.
Dende o Concello do Incio, condenan de maneira firme os actos bélicos que acontecen en Ucraína.