O Concello do Páramo busca auxiliares para o Servizo de Atención no Fogar

As persoas interesadas en optar a este posto de traballo poderán presentar as súas solicitudes na Sede Electrónica do Concello do Páramo

O Concello do Páramo amplía a bolsa de persoal auxiliar para o Servizo de Atención no Fogar (SAF) que se presta no municipio.

Esta é a terceira ampliación da bolsa de emprego temporal para auxiliares de Axuda no Fogar creada por Resolución de Alcaldía.

Por isto, as persoas interesadas en optar a este posto de traballo poderán presentar as súas solicitudes na Sede Electrónica do Concello do Páramo, onde tamén se poden consultar todas as bases para saber os requisitos a cumprir.