O Concello do Páramo está a organizar o seu I Mercadiño de Nadal

As persoas interesadas en reservar un posto para vender e así participar desta iniciativa poderán anotarse ata o vindeiro 15 de decembro

O Concello do Páramo está a organizar o seu I Mercadiño de Nadal, que terá lugar o vindeiro 21 de decembro.

As persoas interesadas en reservar un posto para vender e así participar desta iniciativa poderán anotarse ata o vindeiro 15 de decembro. Poden presentarse iniciativas de artesanía, alimentación, antigüidades…

Pola súa parte, a veciñanza que queira desfrutar desta actividade poderá ir en horario de 11.00 a 18.00 horas, cando se poderá desfrutar tamén de actividades para as familias.