O Coro Sarricanta organiza un Festival das Letras Galegas que se celebrará na Sociedade La Unión

A Sociedade La Unión é o lugar escollido para desenvolver esta iniciativa

O Coro Sarricanta, coa colaboración da Sociedade La Unión e o Concello de Sarria, organiza o Festival das Letras Galegas este venres, 17 de maio, ás 19.00 horas.

A Sociedade La Unión é o lugar escollido para desenvolver esta iniciativa, na que haberá diferentes actuacións musicais e moita lectura.

Así, a Banda de Música de Sarria e de Paradela actuarán, conmemorando os 150 anos da súa historia, tamén estarán os Cantareiros da Unión, Rebuldeira Teatro, O Gaiteiro Dani Arias e o Coro Sarricanta. Ademais, leranse poemas de Luisa Villalta, homenaxeada este ano.