O corredor de Sarria cortarase ao tráfico os martes e xoves

Os peches ao tráfico terán lugar entre as 13.00 e as 15.00 horas co fin de realizar as voladuras necesarias garantindo a seguridade

Comezaron os cortes puntuais ao tráfico no corredor polas obras da primeira fase da autovía Nadela-Sarria, que afectan ao tramo comprendido entre os enlaces de A Pobra de San Xiao e Sarria centro. Os peches, que se prolongarán varios meses, faranse os martes e xoves laborables, entre as 13.00 e as 15.00 horas.

A Consellería de Infraestruturas e Mobilidade non desbota que sexan precisos algúns cortes puntuais noutros días pero, nese caso, avisaranse de xeito previo. Os peches lévanse a cabo co fin de poder realizar as voladuras necesarias garantindo a seguridade dos usuarios do corredor.

A circulación será desviada pola LU-546, a antiga estrada de Nadela-Sarria.