O Desfile de Entroido do Concello de Sarria será o vindeiro 2 de marzo

Este evento festivo acollerá a participación de diferentes colectivos e a participación de comparsas dos centros educativos sarriaos para facer desfrutar a todos os veciños e veciñas

O próximo domingo 2 de marzo, as rúas do Concello de Sarria encheranse de cor e alegría co tradicional Desfile de Entroido, que arrancará ás 17.00 horas desde A Feculera.

O desfile percorrerá as principais rúas do municipio, pasando pola rúa da Liberdade, pola rúa Diego Pazos, e pola rúa Matías López, ata chegar á Praza da Vila, onde rematará o percorrido.

Este evento festivo acollerá a participación de diferentes colectivos e a participación de comparsas dos centros educativos sarriaos para facer desfrutar a todos os veciños e veciñas dunha tarde chea de música, disfraces e un ambiente único de Entroido.