O DHU Vila de Sarria celebrarase os vindeiros 13 e 14 de xullo
Os organizadores do DHU Vila de Sarria, do DHG Team, anuncian as datas de celebración da XI edición deste evento deportivo que acollerá, un ano máis, a centos de afeccionados ao ciclismo na vila sarriá. Estes días serán o 13 e 14 de xullo.
Concretamente, esta iniciativa consiste en descender desde a parte alta da vila á parte máis baixa, sorteando obstáculos con saltos de máis de 10 metros e 120 módulos de madeira, "que son os que fan que o circuíto sexa un espectáculo", defendeu David Gómez, director do DHG Team.
Este ano espérase unha participación similar ao do ano anterior, polo que haberá arredor de 200 participantes e outra das particularidades do evento é que ademais de adultos, tamén participan nenos e rapaces nun descenso miniurbano.