O edificio da rúa Calexa de Sarria será demolido e provocará cortes de circulación

O edificio da rúa Calexa de Sarria será demolido e provocará cortes de circulación a partir do vindeiro luns

O goberno local de Sarria avisa de que o vindeiro luns se pechará o tráfico da rúa Calexa debido á demolición do edificio de sete plantas e 48 vivendas desa rúa.

Concretamente, o corte da circulación de vehículos afectará ao tramo que comprende desde o cruce coa rúa Frei Luís de Granada ata o cruce coa rúa Padre Sarmiento por razóns de seguridade e mentres se executan as obras.

Desde a Concellaría de Mobilidade e Ordenación do Tráfico lamentan as molestias que estas limitacións da circulación poidan ocasionar e salientan que aos veciños da rúa permitiráselles o acceso aos garaxes.