Deportes

Ademais, volve un xogador que xa estivera na SD O Páramo pero que nesta tempada xogou na base da SD Sarriana

SD-O-Páramo

A SD O Páramo anuncia diversas novidades con respecto á seguinte tempada, que xa está preparando.

Así, confirma a renovación do capitán Borja Fernández, que sumará así a súa 15ª tempada no equipo. Tamén repiten Marquitos e Diego Reija, os porteiros que seguirán defendendo a meta do equipo.

Pola súa parte, anunciaron que volve ao equipo Dani López, xa que é xogador da casa e militou no equipo nas tempadas de 2021/2022 e na de 2022/2023, pero nesta xogou na base da SD Sarriana e agora volve ao equipo.

Finalmente, confirmaron que Hugo Fontal seguirá ligado á SD O Páramo como capitán, mentres que tamén o fará Miguel Ares, un dos pilares defensivos do equipo.