O Esmorga Fest presenta os horarios nos que actuará cada artista e grupo musical no seu festival
Queda menos pouco máis dunha semana para que chegue un dos eventos culturais máis esperados do ano para os sarriaos e sarriás, o Esmorga Fest, que vén de presentar todos os horarios nos que van actuar os diferentes grupos musicais.
Despois de ter que cancelar a súa edición deste ano por "falta de apoio por parte do Concello de Sarria" -como denunciaron no seu día, e situación á que se suman outros organizadores de festivais musicais en Sarria, como os do Festival Ribela Nature&Love- e conseguir, finalmente, poder organizar este evento coa axuda e colaboración da Deputación de Lugo; os vindeiros 19 e 20 de maio dezanove artistas e grupos actuarán en Sarria.
Así, no cartel final que xa se presentou a finais de abril, agora sumáronlle os horarios nos que van ter lugar cada unha das actuacións.
Horarios
O venres, 19 de maio, abriranse as portas do escenario SON Estrella Galicia "Sala Litmar" ás 20.30 horas para dar paso, ás 21.00 horas á actuación de Víbora. Unha hora máis tarde será a quenda de First Breath After Coma, ás 22.00 horas, que durará unha hora e vinte, ata ás 23.20 horas, cando dará un concerto Toundra.
Xa de madrugada, ás 00.40 horas, La Plata actuará ata a 01.50 horas, cando será VVV quen siga poñendo a música. Xa ás 02.55 horas, Pálida subirá ao escenario ata as 04.25, cando John Axiom pechará as actuacións do primeiro día de festival.
Para o sábado, o día comezará ás 13.30 horas coa actuación de Gonzalo no Escenario #Vicedepu "La Union", onde tamén actuará Charanga ás 16.00 horas, Ghouljaboy ás 17.10 horas, Castro ás 18.20 horas e Grande Amore ás 19.10 horas.
Despois, a festa pasara ao escenario principal a partir das 20.30 horas, momento no que se abrirán as portas da "Sala Litmar", que acollerá a actuación de The Parrots, ás 21.00 horas; a de Last Days of April, ás 22.05 horas; e a de bdrmm ás 23.15 horas.
Para terminar a xornada, xa de madrugada, serán Los punsetes quen actúen ás 00.30 horas, dando paso a Yawners ás 01.45 horas, a Lagoon ás 02.40 horas e a Cora Novoa ás 03.50 horas, que despedirá o festival ata o ano que vén.
