O Festival Esmorga Fest de Sarria foi todo "un éxito"
Sarria acolleu esta fin de semana o Festival Esmorga Fest, ao que acudiron centos de persoas a pesar do mal tempo do sábado, polo que os organizadores sostiveron que esta edición foi “un éxito”.
Así, o evento, que tivo lugar os días 25 e 26 de outubro, comezou o venres na sala Litmar cos grupos Atención Tsunami, Ezpalak, Mourn, Nudozurdo, Cora Yako, Los Manises e Schulz DJ; mentres que o sábado, ademais da sala Litmar, houbo actuacións na Sociedad Cultural La Unión da man de Carmela, Tristón DJ, Terror Erótico, Terrae DJs y Músculo. Xa pola tarde, na Litmar, foi a quenda de El Chico López, Bernal, Ghostwoman, Triángulo de Amor Bizarro, Perro, Maquina, Sutan e Jor Ginho.
Os sarriaos, sarriás e demais persoas que se achegaron a Sarria para desfrutar do evento puideron desfrutar da música ‘underground’ cun moi bo ambiente e os organizadores xa están pensando na edición do ano que vén.