O Festival Matías López terá lugar no Parque do Chanto de Sarria entre os días 12 e 14 de maio

O Festival Matías López terá lugar no Parque do Chanto de Sarria entre os días 12 e 14 de maio e acollerá diferentes actividades

Os vindeiros 12, 13 e 14 de maio terá lugar o Festival Matías López no Parque do Chanto de Sarria, baixo o nome de 'A Cultura do Chocolate', lembrando a figura deste ilustre sarriao que revolucionou a industria chocolateira no século XIX en España.

Nesas datas, Sarria converterase nun lugar de referencia dentro da cultura do chocolate con actividades para descubrir novos produtos, impulsar a produción artesanal, o comercio xusto e o consumo responsable.

Así, haberá obradoiros e showcooking con chocolate, espectáculos de entretemento, concursos populares de sobremesas, actividades infantís, exposición e venda de produtos das marcas galegas de chocolates, exposicións divulgativas e actividades para os estudantes e profesionais do sector.