O Festival Ribela Love and Nature de Sarria confirma os primeiros artistas para a súa terceira edición
SarriaXa
Os organizadores aseguran que quedan moitos máis nomes por anunciar, e que a terceira edición do Ribela Love Nature será máis especial que nunca
6 May 2025
O Festival Ribela Love and Nature de Sarria, que celebrará a súa terceira edición os días 22 e 23 de agosto de 2025, xa ten os primeiros artistas confirmados.
Tras anunciar as datas do evento en marzo, os organizadores, a Asociación Cultural Ribela, continúan traballando para ofrecer unha experiencia única na que se mesturan natureza, música, gastronomía e sostibilidade.
Entre os primeiros nomes confirmados, destacan Architectural, Croatian Amor, Identified Patient e RONI, que se suman ao cartel do Festival Ribela Love and Nature 2025.
E isto é só o principio. Os organizadores aseguran que quedan moitos máis nomes por anunciar, e que a terceira edición do Festival Ribela Love and Nature será máis especial que nunca.