O grupo Atmosfera 0 actuará o vindeiro 22 de xullo no Buril de Sarria
SarriaXa
O grupo Atmosfera 0 actuará o vindeiro 22 de xullo no Buril de Sarria a partir das 23.00 horas da noite e con entrada gratuíta
![Atmosfera grupo](https://sarriaxa.com/wp-content/uploads/2023/07/Atmosfera-grupo.jpg)
10 Xul 2023
O Buril de Sarria acolle o vindeiro 22 de xullo o concerto do grupo Atmosfera 0 a partir das 23.00 horas, aínda que as portas abrirán ás 22.00 horas.
Así, as persoas interesadas en participar desta iniciativa musical poderán facelo de forma gratuíta no local do Buril.
A banda de Lalín que naceu en 2002 é un grupo de Indie Rock que, tras unha longa traxectoria con aproximacións ao pop, jazz e swing; proxecta sobre o escenario un son persoal e consolidado.
Con 4 discos editados e un extenso repertorio de composición propia, trátase dun proxecto onde teñen cabida reflexións de todo tipo: desamor, contradicións, futuros de ciencia ficción, filosofía ou sarcasmo.
![Buril xullo](https://sarriaxa.com/wp-content/uploads/thumbs/2023/07/Buril-xullo-200x250.jpg)