O Grupo Xacobeo de Sarria organiza a súa primeira ruta do ano no Camiño Inglés

O Grupo Xacobeo de Sarria organiza a primeira actividade do ano o vindeiro 21 de xaneiro cunha ruta polo Camiño Inglés do Camiño de Santiago.

O Grupo Xacobeo de Sarria organiza a primeira actividade do ano o vindeiro 21 de xaneiro cunha ruta polo Camiño Inglés do Camiño de Santiago.

Nesta ocasión, as persoas que se animen a participar percorrerán 16 quilómetros cunha dificultade baixa-media na 1ª etapa do Camiño Inglés, de Ferrol a Neda.

Así, sairase desde Sarria ás 7.30 horas e de Lugo ás 8.00 horas para chegar a Ferrol e comezar a andaina, que durará toda a mañá.

As persoas interesadas poden apuntarse ata o vindeiro 20 de xaneiro ata esgotar as prazas e o custo é de 40 euros para os socios e de 43 para os que non son socios, incluíndo transporte, a ruta, os seguros e a comida.