O Incio abre convocatoria para a contratación dun peón de servizos múltiples
O Concello de O Incio aprobou as bases para a selección dun peón de servizos múltiples, dentro do programa da Deputación Provincial de Lugo 'Reforzo do Emprego' do Plan Deputación 2025 – Contratación anticipada.
O posto ofertado é de carácter temporal, cunha xornada completa do 100% durante seis meses.
Segundo o establecido nas bases, os interesados poderán presentar as súas solicitudes no Rexistro Xeral do Concello, en horario de 08:00 a 15:00 horas, dentro dun prazo de cinco días hábiles a partir do día seguinte á publicación da convocatoria no Boletín Oficial da Provincia de Lugo.
Ademais, as solicitudes tamén poderán rexistrarse de forma electrónica a través do Rexistro Electrónico Xeral do Concello de O Incio ou mediante outras plataformas habilitadas segundo a normativa vixente.
Esta iniciativa busca fortalecer o emprego local mediante a contratación de persoal para servizos municipais esenciais.