O Incio acolle este sábado a comedia improvisada 'Comedia en Seis Actos'

A representación, incluída no Ciclo de Teatro Afeccionado 2025 da Deputación de Lugo, chega da man da Asociación As Xeitosas

O teatro regresará este sábado 8 de novembro ao Incio cunha proposta escénica baseada na improvisación: Comedia en Seis Actos.

A función, que se desenvolverá a partir das 17:00 horas no Antigo Mercado Gandeiro, forma parte do Ciclo de Teatro Afeccionado 2025 impulsado pola Vicepresidencia da Deputación de Lugo.

A iniciativa chega ao municipio da man da Asociación As Xeitosas, entidade encargada da organización desta actividade cultural que busca achegar as artes escénicas ao público local e fomentar a participación veciñal no ámbito cultural da provincia.