O Incio celebra o seu magosto con música, castañas e festa organizada polo club de fútbol

O Antigo Mercado Gandeiro acollerá este sábado o magosto popular con castañas, liscos e música do Dj La Sincereza

O Incio acollerá este sábado 8 de novembro unha das citas máis esperadas do outono: o magosto popular organizado por O Incio C.F. coa colaboración do Concello. A festa terá lugar a partir das 21:00 horas no Antigo Mercado Gandeiro, convertido por unha noite no epicentro da celebración veciñal.

Durante a xornada, os asistentes poderán gozar dunha barra futbolera, degustar castañas e liscos de balde, e participar dunha noite de animación musical e baile a cargo do Dj La Sincereza, que poñerá ritmo á velada.

O evento, xa consolidado como unha das tradicións máis queridas no municipio, busca reunir á veciñanza arredor do lume, a música e os sabores do outono, combinando festa e convivencia nun ambiente familiar e participativo.