O Incio conta cun novo miradoiro para desfrutar do encoro de Vilasouto

Ademais de acondicionar esta plataforma preto da presa, tamén se mellorou o peche perimetral que bordea Vilasouto

O Concello do Incio conta desde esta primavera cun novo espazo para desfrutar do encoro de Vilasouto, un miradoiro ao pé do río.

Un lugar máxico desde o que observar a conca do río Mao e desde onde facer as mellores fotos dun dos enclaves máis fermosos no noso Concello.

Ademais de acondicionar esta plataforma preto da presa, tamén se mellorou o peche perimetral que bordea Vilasouto ofrecendo unha ruta perfecta para percorrer este espazo en plena natureza.