O Incio programa pilates, ximnasia de mantemento e zumba para o novo curso
O Concello do Incio pon en marcha este mes de outubro unha nova programación deportiva que inclúe pilates, ximnasia de mantemento e zumba. As actividades impartiranse en distintas parroquias do municipio e contarán cun custo reducido de 10 euros ao mes, cunha modalidade de pago trimestral.
As sesións de pilates celebraranse en Val do Mao os luns e xoves ás 17.00 horas, mentres que en Vila de Mouros terán lugar os martes ás 17.30 horas e os xoves ás 18.30 horas. Pola súa parte, a ximnasia de mantemento levarase a cabo no propio Incio os luns e venres ás 11.00 horas. A oferta complétase coas clases de zumba, tamén no Incio, programadas para os martes e venres ás 20.00 horas.
As persoas interesadas en participar deben inscribirse no Concello ou chamar ao teléfono 982 427 014.