O Incio publica a súa oferta de emprego público para 2022

Publicada no BOP a oferta de emprego público do Concello do Incio para o ano 2022. Dúas prazas de concurso oposición libre.

O Boletín Oficial da Provincia de Lugo recolle hoxe 2 de mayo de 2022 a oferta de emprego público do Concello do Incio para este ano, unha oferta aprobada mediante resolución da alcaldía o pasado 7 de abril e que xa está dotada orzamentariamente.

As dúas prazas ofertadas, ás que se accederá mediante un concurso oposición libre, son de persoal laboral fixo. Unha será para un Grupo A1 da escala de administración especial como axente de emprego e desenvolvemento local e a outra e para persoal de oficial,  para o posto de operario de servizos varios.