O lucernario do Concello do Incio será substituído por un novo
A Xunta de Galicia concedeulle ao Concello do Incio unha subvención de 18.000 euros, que o Goberno local utilizará para reparar o lucernario da casa do Concello e a cuberta dun local.
O lucernario, que é de policarbonato, está bastante deteriorado, xa que o material foise degradando co paso do tempo e sufriu danos por unhas tormentas de saraiba, polo que o substituirán por outro novo, pero manténdoo en policarbonato.
Pola súa parte, o local situado entre o consistorio e o antigo mercado gandeiro, que serve de brigada contra incendios no verán, tamén será obxecto de melloras, xa que se quitará a actual cuberta de fibrocemento e porase unha de panel sándwich.
As obras son financiadas con cargo a unha liña de axudas para actuacións de corrección de impactos paisaxísticos do Instituto de Estudos do Territorio, organismo dependente da Administración autonómica galega.
Por outra banda, desde o Goberno local teñen pendente sacar a licitación estas obras e a contratación de varias obras, como as do plan Deputación deste ano.