O mago Xulio Merino protagonizará unha nova iniciativa máxica de Roberto Lolo en Sarria
O mago Roberto Lolo de Sarria vén de anunciar que o vindeiro 16 de novembro o Adarve de Sarria volverá acoller unha iniciativa máxica para todas as persoas de Sarria e de fóra que queiran desfrutar da ilusión.
Desta maneira, haberá dous espectáculos, un infantil ás 18.30 horas, e outro para adultos ás 22.30 horas exclusivo para 60 persoas na parte traseira do local, polo que informa de que será necesario reservar a través do número 663 340 067.
Nesta ocasión, contarase con Xulio Merino, un mago galego recoñecido polo seu talento e creatividade no mundo da maxia e do ilusionismo. Coñecido polas súas actuacións innovadoras e polo seu estilo próximo e humorístico, Merino logrou conectar con públicos de todas as idades.
A súa maxia combina trucos sorprendentes con narracións que captan a atención do espectador, ofrecendo un espectáculo cheo de misterio e entretemento. Ademais de actuar en escenarios galegos, tamén participa en festivais e eventos culturais, contribuíndo á promoción da maxia en Galicia e transmitindo a súa paixón polas artes escénicas.