O mercado gandeiro de Paradela acollerá o magosto organizado pola Asociación de Mulleres Rurais

A Asociación de Mulleres Rurais de Paradela organiza a actividade do magosto para os seus veciños e veciñas de Paradela o vindeiro 18 de novembro.

A Asociación de Mulleres Rurais de Paradela organiza a actividade do magosto para os seus veciños e veciñas de Paradela o vindeiro 18 de novembro.

O Mercado Gandeiro de Paradela é o lugar escollido para acoller a todas as persoas que se queiran achegar a partir das 21.30 horas do 18 de novembro a comer castañas cos seus amigos e amigas do municipio. Para iso, terán que inscribirse falando coas organizadoras ata o 14 de novembro.

Ademais da degustación de castañas, as persoas participantes poderán desfrutar da música e verbena amenizada polo Dúo Explosión e pola Charanga de Paradela, que porán a música como segunda protagonista da noite.