O mercado solidario de Hospitaleros Sin Fronteras, Malicounda Teranga, volve a Sarria o 3 de xuño
O colectivo Hospitaleros Sin Fronteras organiza a II edición de Malicounda Teranga, un mercado solidario que terá lugar o vindeiro 3 de xuño.
Durante esta xornada, as persoas que se acheguen á Praza de Santa Mariña de Sarria entre as 12.00 horas e as 21.00 horas poderán desfrutar de activades infantís, un mercado de artesanía senegalesa e de segunda man, gastronomía de Senegal e música.
Con respecto ás actuación musicais, a primeira virá da man de Nowelin na sesión vermú, e a seguinte será a do sarriao Abraham Cupeiro, que traerá ás 17.30 horas o seu “Resoando no pasado”, na Igrexa de Santa Mariña. O día finalizará co concerto de Tandub ás 19.30 horas.
A única actuación de pago é a de Abraham Cupeiro e para conseguila haberá que desprazarse ata os locais do Adarve, Casino e Saludx10 de Sarria, á Esola de música e Awa de Monforte, ou a La voz de la verdad e Inmobiliaria Predio de Lugo.
