O paramense Edu Valiña levou ‘Zona de confort para observar o horror’ ao festival INTERSECCIÓN
O artista de O Páramo, Edu Valiña, vén de ver recoñecido o seu traballo coa proxección da súa obra Zona de confort para observar o horror no festival INTERSECCIÓN – Festival Internacional de Cine de A Coruña.
Esta proposta audiovisual forma parte da selección oficial dun festival que aposta pola exploración das linguaxes audiovisuais e polo cinema de autor vangardista.
Zona de confort para observar o horror é unha peza de vídeo de curto formato (7 minutos), presentada como “estreno global” no marco de INTERSECCIÓN.
A obra xa fora exhibida noutros espazos de arte contemporánea, como a videoinstalación en Mèdol de Cataluña, incluída na exposición 'Despois do incendio'.
Con esta selección, Valiña representa a creatividade lucense nun dos escenarios máis punteiros do audiovisual contemporáneo galego e estatal. A súa proposta convérteo nun nome que se suma á corrente de autorías valentes que rompe fronteiras narrativas e estéticas.