O Páramo acollerá o I Mercadiño de Nadal o próximo 21 de decembro

Haberá artesanía, alimentación, antigüidades e actividades para promover que se acheguen todas as persoas interesadas

O Concello do Páramo organiza o I Mercadiño de Nadal o vindeiro 21 de decembro no Campo da Feira e de 11.00 a 18.00 horas.

Desta maneira, haberá artesanía, alimentación, antigüidades e actividades para promover que se acheguen centos de persoas, tanto veciños como interesados, ao Concello do Páramo.

Pola mañá, os nenos e nenas do Páramo recibirán a visita de Papa Noel, que recibirá as cartas de cada un deles. Xa pola tarde, a partir das 16.00 horas, haberá xogos infantís, tratando as emocións de maneira divertida. Ademais, contarase cun posto de polbo á feira.