O Páramo ofrece clases para maiores de ximnasia e pilates

As actividades, dirixidas a persoas empadroadas no concello, comezarán o 14 de outubro de 2025 en horario de 21:00 a 22:00 horas

O Concello do Páramo vén de anunciar a posta en marcha dun novo programa de actividades físicas dirixidas ás persoas maiores do municipio. A iniciativa inclúe clases de ximnasia de mantemento, que se impartirán os martes, e sesións de pilates, os xoves, sempre en horario de 21:00 a 22:00 horas.

As persoas interesadas en participar deberán formalizar a súa inscrición antes do 9 de outubro de 2025. As actividades comezarán o día 14 do mesmo mes e desenvolveranse baixo a organización do propio concello, que busca promover hábitos saudables e fomentar a participación social da veciñanza maior.

Segundo sinalan dende a entidade municipal, terán preferencia na matrícula aquelas persoas empadroadas no Concello do Páramo.