O Páramo recollerá os plásticos agrícolas a vindeira semana

O Concello habilitou catro puntos para a recollida dos plásticos de silos, que deben depositarse atados en fardos e limpos de terra

O Concello do Páramo vén de anunciar que recollerá os plásticos agrícolas os vindeiros días 15 e 16 deste mes en diferentes puntos destinados para tal efecto. Os lugares nos que se deben depositar os plásticos son:

• Antigo vertedoiro municipal
• SAT A Penela, en Grallás
• SAT Ladeira, en San Vicente
• Instalacións Rodriz Freire S.L.

O Concello lembra que só se recollerán plásticos de silo ou invernadoiros, que deben estar atados en fardos e limpos de herba ou terra. Explican ademais que nos lugares habilitados para a recollida non se poden depositar rodas nin garrafas de plástico.

O Páramo pon en marcha unha vez máis esta acción co fin de que os gandeiros poidan desfacerse dos plásticos sobrantes ou xa usados nas súas explotacións.