O Páramo: Ruta de Vilarmosteiro a Barreira
O Páramo é un municipio preto da ciudade de Lugo que se pode percorrer de maneira sinxela e agocha con numerosos recursos. Situado a vinte quilómetros da capital lucense, ten unha extensión que permite visitalo practicamente nun día.
No seu núcleo rural, a parroquia de Vilarmosteiro, onde se atopa o concello e o centro de saúde, aséntase nunha gran carballeira que da sombra ao campo da feira. É un espazo único no municipio no que se poden ver as tradicionais casetas os días de feira.
De Vilarmosteiro tamén parte a primeira ruta de sendeirismo oficial del concello. Sae do cruceiro que hai no medio da carballeira e remata na torre medieval de A Barreira, onde aínda quedan restos desta fortificación.
O percorrido é duns dous quilómetros e transcorre por un antigo paso de ganado, pero esta non é a única senda que se pode percorrer por O Páramo. O municipio é o esquecido dos que se atopan á cola do embalse de Belesar, como Paradela ou Portomarín. Sen embargo, nunha parte do seu territorio tamén se pode desfrutar do embalse y do río Miño.
Á beira do río, sobre todo na zona máis próxima a Portomarín, pódese pasear preto da auga e incluso descubrir os restos dos antigos caneiros, que nesta época do ano aínda están ao descuberto.
O Páramo, malia ser un concello de pouca altura, tamén conta con ubicacións para ter unha boa panorámica. Na parroquia de San Pedro hai un miradoiro na súa parte alta, onde se sitúan tamén os eólicos. Dende alí, pódese visitar a capela de San Lourenzo, onde se observa a paisaxe paramesa.
O itinerario da ruta de sendeirismo, parte do cruceiro que hai na carballeira do campo da feira e remata na torre medieval da Barreira, onde quedan algúns restos desta antiga fortificación. Tamén pasa polas parroquias de Vilarmosteiro e San Martiño da Torre, dando forma así a un percorrido de 1,925 quilómetros de lonxitude.
O itinerario correspóndense cun antigo paso de gando cara ao campo da feira desde a montaña de Friolfe por Vilariño e pon en valor espazos de alto valor etnográfico, histórico, paisaxístico e ecolóxico.
O obxectivo principal coa creación desta ruta é recuperar, sinalizar e conservar antigos camiños, incrementando e promovendo un turismo sostible de acordo aos valores medioambientais.
Hai varios paneis informativos con datos relativos á ruta naqueles lugares máis visibles e importantes do trazado, así como postes de madeira indicando a continuidade da ruta, os cambios de dirección, as direccións erróneas e marcas horizontais.
Estase a barallar unha posible segunda fase desta ruta de sendeirismo, que chegaría ata o miradoiro de San Pedro, en Friolfe. De aí, poderiase ir ata Mirallos, en Paradela, e enlazar co Camiño Francés.
ESPAZOS ÚNICOS
Hai tres espazos únicos que non se poden perder na ruta: o campo da feira, a igrexa de Vilarmosteiro e a torre da Barreira.
O campo da feira é o punto de partida, dende o mesmo centro do Páramo. Nel existe un cruceiro e a escultura do recoñecido escritor e poeta Arcadio López Casanova, moi vencellado ao municipio.
A igrexa de Vilarmosteiro é un templo románico no que a tradición oral sitúa un antigo mosteiro da época altomedieval que, ao parecer, tería advocación a San Salvador. No seu interior consérvase un retablo barroco único na comarca.
E a torre da Barreira, a cuxos restos medievais se chega logo de pasar pola aldea de Vigo e a súa capela das Dores. Mandouse construír por Álvaro González de Ribadeneira no século XV con pedras da antiga fortaleza de Aguieira e mantívose en pé ata o século XIX.
