O portavoz popular de Samos denuncia o estado do Camiño do Couso
![Samos Camiño do Couso](https://sarriaxa.com/wp-content/uploads/2023/02/Samos-Camino-do-Couso.jpg)
O Partido Popular de Samos lamenta que as vías municipais e as provinciais ao seu paso por este municipio non reúnan as condicións adecuadas.
Neste caso, José Fernández, representante do PP de Samos, centra a súa atención no Camiño do Couso, unha vía que, despois da última tempada de chuvias, quedou intransitable nalgúns tramos.
O Camiño do Couso "serve a Gosende e Fontearcuda, na parroquia de Lousada; tamén á parroquia de Montán, comunica con Zoó e sae cara a San Xil, explica.
Fernández di dar voz aos veciños de Gosende, "que se queixan do pésimo estado no que se atopa esta vía e critican a falta de interese do alcalde de Samos, Julio Gallego, para resolver este problema".
Así, o portavoz popular insta ao alcalde a adoptar canto antes as medidas necesarias para amañar o Camiño do Couso, que "é unha vía que constitúe un servizo importante para os residentes nos núcleos antes citados".
Para instar ao goberno local a mellorar esta pista, Fernández anuncia que presentará unha iniciativa na próxima sesión plenaria.