O PP de Samos preguntará no vindeiro pleno polos atrasos no pago ás traballadoras do SAF

Miguel Gallego, o voceiro do PP de Samos, fíxose eco das queixas das traballadoras do servizo municipal de axuda no fogar (SAF), que din levar dous meses de atraso no cobro de dietas e quilometraxe.

Miguel Gallego, o voceiro do PP de Samos, fíxose eco das queixas das traballadoras do servizo municipal de axuda no fogar (SAF), que din levar dous meses de atraso no cobro de dietas e quilometraxe.

As traballadoras percibían estes pagos de forma trimestral e as cantidades correspondentes ao segundo trimestre deberían telas percibido a comezos do mes de xullo, pero aínda non chegaron.

Por iso, o PP de Samos reclama que “se axilice o abono das contías que se lles deben e que, ademais, perciban os intereses de demora correspondentes e preguntaremos no vindeiro pleno a que se deben estes atrasos no pago das dietas e a quilometraxe ás traballadoras do Servizo de Axuda no Fogar”.