O PSdG de Paradela denuncia a situación sanitaria no centro de saúde
![centro-de-sáude-Paradela](https://sarriaxa.com/wp-content/uploads/2024/06/centro-de-saude-Paradela.jpg)
O grupo municipal socialista no Concello de Paradela manifestou a súa preocupación e enfado pola situación médica de Paradela, "onde esta semana vimos como quedamos sen ningún médico, e o Sergas só foi capaz de enviar un día, o martes, 4 horas a un sanitario", explican.
Por todo isto, desde o PSdG do municipio pídenelle ao Sergas para que "cubran urxentemente a praza, así como que reforcen o servizo sanitario cando só estea un médico no centro de saúde para evitar estas situacións", defenden.
Ademais, engaden que Paradela é un Concello envellecido, "con moita xente que vive soa e non nos podemos permitir non ter asistencia médica preto, xa que en caso de urxencia, pode marcar a vida ou a morte dun paciente. É moi grave esta situación e pedimos que non se xogue coa saúde dos nosos veciños", conclúen.