O PSOE de Sarria rexeita a Benjamín Escontrela como candidato ás eleccións
![benjamin escontrela sarria](https://sarriaxa.com/wp-content/uploads/2022/04/benjamin-escontrela-sarria.jpg)
O Partido Socialista de Sarria escribiu unha carta rexeitando a Benjamín Escontrela como o candidato do partido ás seguintes eleccións de maio.
Desde o grupo político din que "xa é hora de poñer todas as cartas enriba da mesa" e que se sae candidato, é porque "está posto a dedo desde o PSOE provincial saltándose os estatutos do partido e sen ser respaldado pola militancia do partido".
Así, din que Escontrela "é unha persoa non grata no partido" e así llo dixeron tanto desde a executiva como desde a militancia do grupo político.
Ademais, acusan ao ex presidente do PSOE de Sarria, José Manuel López; quen renunciou recentemente a este cargo na localidade; de "verter noticias falsas na prensa".
Os socialistas refírense a unhas noticias que sairon nalgúns medios de comunicación que sosteñen que o PSOE abriu un local na rúa Liberdade porque, din, "abriuno Escontrela coa intención de sembrar a dúbida na militancia".
Así, argumentan que "nin un céntimo do PSOE foi utilizado para abrir ese local".
Por último, dirixíronse a Escontrela para dicirlle que se quere ser candidato, que se enfronte a unhas primarias onde a militancia cos seus estatutos teña a opción de ratificalo ou rexeitalo.