O San Xoán de Sarria contará con orquestras de gran renome no seu programa
Despois de confirmar o novo emprazamento que terán as festas patronais de Sarria, o San Xoán, fíxose público o programa desta festividade que terá como grandes protagonistas as orquestras de gran renome.
Ademais das orquestras, haberá actuacións do grupo de música folk Eoas e outras formacións e bandas locais, xa que Sarria conta con numerosas agrupacións de gran calidade.
As festas terán lugar os días 23 e 27 de xuño. Sendo o luns 27 o festivo local.
O novo emprazamento, a Rúa Castelao permitirá usar o campo de rugby que conta cunha maior capacidade, podendo albergar a máis xente nun espazo máis amplo. Esta nova localización da resposta as demandas de seguridade cidadá, xa que deste xeito, o acceso a centro de saúde permanecerá libre evitando os obstáculos aos vehículos de emerxencia. Ademais, esta nova localización permitirá concentrar todos os elementos da festa nun mesmo lugar, as barracas, as orquestras e os postos ambulantes.
Desta forma, as actuacións principais terán lugar no campo de rugby, xa que as súas dimensións permiten a instalación de grandes escenarios ou palcos acollendo, ao mesmo tempo, a maior número de persoas no público.
A orquestra Enigma abrirá as actuacións musicais o día 23, esta orquestra con orixes sarriás deixará paso, o 24 a Olympus e New York, o 25 será a quenda de Los Satélites, o 26 Panorama e Los Players amenizarán a cita mentres que o 27 pecharase co Combo Dominicano. Geni Valcárcel afirmou que nesta cita falta a París de Noia debido a que os veciños puideron desfrutar desta orquestra o pasado mes de setembro.
A tradicional fogueira terá lugar no campo da feira e estará amenizada pola agrupación folk Eoas. Ademais, nese día ofrecerase queimada e estase a preparar algún espectáculo relacionado co lume.
A recuperación desta celebración supón a volta á normalidade tras dous anos de festas a medio gas. Estase a covnertir así na primeira gran celebración que organiza o goberno actual dende que chegou ao poder o pasado 2019.
A concelleira anima aos cidadáns a achegarse a Sarria que ademais forma parte do Camiño de Santiago e é unha oportunidade para coñecer a vila.
PROGRAMA
- Día 23: Terá lugar o pregón, a continuación serán as actuacións de grupos locais. Mentres, no campo da feira a festa será amenizada polo grupo Eoas e no campo de rugby estará a orquestra Enigma.
- Día 24: Este día haberá misa e procesión. A banda de Sarria dará un concerto e pola noite as orquestras Olympus e New York.
- Día 25: Grupos locais e a orquestra Los Satélites amenizarán o día.
- Día 26: As actuacións musicais correrán a cargo de La Panorama e Los Players.
- Día 27: O Combo Dominicano despedirá as festas patronais.
Durante todos os días as charangas e grupos folclóricos pasearán e tocarán polas rúas da vila.