O Sarria Blues no Camiño traerá como novidade un pasarrúas musical
![Sarria-Blues-no-Camiño](https://sarriaxa.com/wp-content/uploads/2023/07/Sarria-Blues-no-Camino.jpg)
O Sarria & Blues no Camiño convida os veciños a participar no pasarrúas que se celebrará o sábado 3 de agosto, dentro da programación do festival de músicas afroamericanas, que se celebrará en sarria entre o 1 e o 4 d agosto.
Nesta terceira edición haberá, como novidade, un pasarrúas musical, ao estilo dos que se celebran en Nova Orleans, un dos principais berces do jazz e o blues, que estará amenizado pola banda de early jazz, dixie e swing, The Dixie Blinders, e pola Orquestra Municipal de Sarria.
A organización do festival convida a todos os veciños a sumarse ao desfile, de forma privada ou como asociación, charanga carnavalera ou calquera outro tipo de colectivo, a esta festa musical que percorrerá a rúa da Liberdade a partir 19.00 horas.
O desfile xa se ensaiou o ano pasado, pero nesta ocasión para a horario de tarde-noite con vocación de converterse no acto central desa cita musical. O Sarria & Blues non Camiño 2024 renderá nesta ocasión unha homenaxe especial ao blues feito en Galicia.