O SAT da comarca de Sarria organiza unha xornada (in)formativa sobre o TEA
O Concello de Sarria vén de informar de que o Servizo de Atención Temperá da comarca, que inclúe os concellos de Sarria, Láncara, Triacastela, O Páramo, Paradela, Samos e O Incio, organiza unha xornada (in)formativa sobre o Trastorno do Espectro Autista (TEA) para profesionais educadores.
Será na xornada de hoxe, mércores 2 de abril, coincidindo co Día Mundial da Concienciación sobre o Autismo, e a xornada incluirá unha breve introdución ao TEA e a presentación de recursos convintes para a detección e apoio.
Desde o SAT destacan o labor das educadoras e educadores infantís na etapa do desenvolvemento das nenas e nenos, así como as repercusións positivas da colaboración interprofesional.
Ademais, din que esperan que sexa un evento enriquecedor, así como o equipo profesional do SAT agradece a asistencia, colaboración, participación e dedicación á Casa Niño Entrepeques e Cabaciña (Triacastela); á Casa Niño Cabianca (Eirexalba-O Incio); á Casa Niño O cascarón Vermello, As pegadas máis enxebres (Láncara) e Paporrubio (Cedrón-Láncara); á escola infantil Pumuky; á escola infantil Bugs Bunny e á escola infantil Kekos.