Sanidade programa un cribado nunha aldea e nun edificio de Sarria por un gromo familiar

Trátase de evitar contaxios derivados do gromo focalizado nunha familia que vive en Sarria e traballa nunha granxa dunha parroquia rural

O alcalde de Sarria, Claudio Garrido, confirmou a existencia dun novo gromo de covid no municipio, neste caso focalizado en "unha familia" que vive na localidade, aínda que os adultos "traballan nunha granxa" de gando vacún nunha parroquia rural.

O rexedor sarriano asegura que se trata dun gromo "moi localizado" polo que confía en que o traballo das autoridades sanitarias evite a súa propagación.